काठमाडौं – नेपाल प्रहरीको नेतृत्व परिवर्तन भएको छ । सरकारले प्रहरी अतिरिक्त महानिरीक्षक (एआईजी) मनोज केसीलाई प्रहरी महानिरीक्षक (आईजीपी) नियुक्त गर्ने निर्णय गरेको छ । बुधबार बसेको मन्त्रिपरिषद् बैठकले केसीलाई प्रहरी संगठनको सर्वोच्च पदमा नियुक्त गर्ने निर्णय गरेको हो । यससँगै वर्तमान आईजीपी दानबहादुर कार्कीलाई प्रधानमन्त्रीको विशेष सुरक्षा सल्लाहकारको जिम्मेवारी दिने निर्णयसमेत भएको बताइएको छ ।
बुधबार बसेको मन्त्रिपरिषद् बैठकले केसीलाई नेपाल प्रहरीको सर्वोच्च पदमा नियुक्त गर्ने निर्णय गरेको बताइएको छ । केसी हाल नेपाल प्रहरीको अपराध अनुसन्धान विभाग प्रमुखका रूपमा कार्यरत छन् ।
लामो समयदेखि प्रहरी सेवामा रहेका केसीले अपराध अनुसन्धान तथा प्रहरी संगठनका विभिन्न जिम्मेवारीमा रहेर काम गर्दै आएका छन् । अपराध अनुसन्धान विभागको नेतृत्व गरिरहेका केसी अब प्रहरी संगठनको सर्वोच्च नेतृत्वमा पुग्ने भएका छन् ।
यसैगरी, मन्त्रिपरिषद् स्रोतका अनुसार हालका प्रहरी महानिरीक्षक दानबहादुर कार्कीलाई प्रधानमन्त्रीको विशेष सुरक्षा सल्लाहकारको जिम्मेवारी दिने निर्णय भएको छ ।
सरकारको यो निर्णयसँगै नेपाल प्रहरीको नेतृत्व परिवर्तन हुने भएको छ । आईजीपी नियुक्तिसँगै प्रहरी संगठनको भावी नेतृत्व, सुरक्षा व्यवस्थापन र अपराध अनुसन्धानका क्षेत्रमा नयाँ नेतृत्वको भूमिका कस्तो रहनेछ भन्ने चासोसमेत बढेको छ ।
