लियोनल मेस्सीको कीर्तिमानी गोलमा अर्जेन्टिनाले जित हात पारेको छ। अष्ट्रियासँगको खेलमा अर्जेन्टिना २-० ले विजयी भएको हो।

अर्जेन्टिनाको जितमा दुवै गोल कप्तान लियोनल मेसीले गरे। उनले खेलको ३८ औं मिनेटमा पहिलो गोल गरेका हुन्। उक्त गोलसँगै मेसीले फिफा विश्वकप इतिहासमा सर्वाधिक गोल गर्ने खेलाडीको नयाँ कीर्तिमान बनाए।

खेल सकिनै लाग्दा इन्जुरी समयमा मेसीले व्यक्तिगत तथा टोलीका लागि दोस्रो गोल गर्दै टोलीलाई २–० को जित दिलाए।

लगातार दोस्रो जितसँगै अर्जेन्टिनाले समूहमा ६ अंक जोड्दै नकआउट चरणमा स्थान सुरक्षित गरेको छ। यसअघि अर्जेन्टिनाले अल्जेरियालाई ३–० ले पराजित गरेको थियो।