बारा: गोरखापत्र दैनिकका पूर्वमहाप्रबन्धक बसन्तप्रकाश उपाध्यायको निधन भएको छ।

पर्साको वीरगन्ज महानगरपालिका–४ गहवामाई मन्दिर अगाडिको चौतारोमा उनी हिजो अचेत अवस्थामा भेटिएका थिए।

तनहुँको भानु नगरपालिका–१ भन्सारपुल घर भएका ५५ वर्षीय उपाध्यायलाई अचेत अवस्थामा देखेर स्थानीयले प्रहरीलाई खबर गरेका थिए।

खबर पाउने बित्तिकै वडा प्रहरी कार्यालय विर्ताबाट खटिएको प्रहरी टोलीले उपाध्यायलाई उद्धार गरी उपचारका लागि नारायणी अस्पताल वीरगन्ज पु¥याएको जिल्ला प्रहरी कार्यालय पर्साका प्रवक्ता एवं प्रहरी नायब उपरीक्षक चक्रबहादुर मल्लले जानकारी दिए।

“अचेत अवस्थामै उहाँलाई अस्पताल पुर्‍याएका थियौँ,” प्रवक्ता मल्लले भने, “चिकित्सकले उपाध्यायको निधन भइसकेको जानकारी गराए।”

उपाध्यायको शव नारायणी अस्पतालमै राखिएको छ ।