शिर्ष स्थानको एथ्लेटिको सोसिडाड सँग पराजित

भाद्र २९ – लिग लिडर एथ्लेटिको मड्रिड पराजित भएको छ । स्पेनिस ला लिगा अन्तर्गत गए राती सम्पन्न खेलमा शिर्ष स्थानको एथ्लेटिको म्याड्रिड रियल सोसिडाडसँग २–० ले पराजित भयो । ।

प्रतिस्पर्धात्मक खेलको पहिलो हाफमा दुबै टोली गोल गर्नबाट चुकेका थिए । तर दोस्रो हाफमा सोसिडाडले २ गोल गरे । घरेलु मैदानमा लिग लिडर टोलीलाई स्तब्ध बनाउन मार्टिन ओडेगार्ड र नाचो मोनरियलले गोल गोल गरे ।

खेलको ५८ औं मिनेटमा मार्टिन ओडेगार्डले गोल गर्दै घरेलु टोलीलाई अग्रता दिलाए । त्यसको तीन मिनेटपछि नै नाचो मोनरियलले गोल गर्दै रियल सोसिडाडको २–० को जित सुनिश्चित गरे । ला लिगामा एट्लेटिकोको यो पहिलो हार हो ।

जितसँगै सोसिडाड छैटौं स्थानमा उक्लिएको छ । उसको ४ खेलबाट ७ अंक भएको छ । उता एथ्लेटिको भने हारका बाबजुत पनि समान ४ खेलबाट ९ अंक जोडेर शीर्ष स्थानमा यथावत छ । एजेन्सी