क्यारोलिना – आइतबारदेखि उत्तर र दक्षिण क्यारोलिनामा जंगलमा डढेलो फैलिएको छ । तीव्र हावा चलिरहेको बेला आगो नियन्त्रण गर्न टोलीहरू निरन्तर संघर्ष गरिरहेका छन् ।
आगलागीको बढ्दो खतराका कारण राष्ट्रिय मौसम सेवाले केही क्षेत्रहरू खाली गर्न आदेश दिएको छ । समुद्र तटका अधिकांश भागहरूमा आपत्कालीन आश्रयहरू स्थापना गरिएको छ । आगलागीपछि आइतबार आपत्कालीन अवस्था घोषणा गरिएको थियो ।
मिडिया रिपोर्टका अनुसार आइतबार बिहान १० बजेसम्म दक्षिण क्यारोलिनामा लागेको डढेलोले लगभग १,२०० एकड जमिन जलेको थियो । राष्ट्रिय मौसम सेवाले जर्जियादेखि न्यु जर्सीसम्म डढेलोको चेतावनी पनि जारी गरेको छ । बिग्रँदै गएको अवस्थालाई ध्यानमा राख्दै, दक्षिण क्यारोलिनाको गभर्नर हेनरी म्याकमास्टरले आपत्कालीन अवस्थाको घोषणा गरेका थिए ।
यस आगलागीबाट होरी काउन्टी र सिक्स माइल सबैभन्दा बढी प्रभावित भएका छन्। होरी काउन्टीसँग आगो निभाउन सबै स्रोतहरू उपलब्ध छन् । त्यसमा आगोमा पानी छर्कने विमानहरू समावेश छन् ।
दक्षिण क्यारोलिना वन आयोगसँग साइटमा १० बुलडोजर र ३४ युनिटहरू छन् । आगो अझै नियन्त्रणमा आएको छैन । तीव्र हावासँगै यो वरपरका क्षेत्रहरूमा फैलिरहेको छ ।
