आनन्द कृषि सहकारीद्वारा शेयर सदस्यहरुलाई निःशुल्क आँखा परिक्षण
भरतपुर – आनन्द कृषि सहकारी सस्थाले आज शनिबार आफ्ना शेयर सदस्यहरुलाई निःशुल्क आँखा परिक्षण शिबिर सञ्चालन गरेको छ । नेपाल नेत्र ज्योति संघ भरतपुर आँखा अस्पतालको प्राबिधिक सहयोगमा सो आँखा शिबिर सञ्चालन गरिएको हो ।
भरतपुर महानगरपालिका वडा नं ४ का कार्यवाहक अध्यक्ष ठाकुर प्रसाद सापकोटा प्रमुख अतिथि रहेका सो आँखा शिबिरमा १३० जनाको आँखा परिक्षण गरिएको थियो ।
परिक्षण गरिएका मध्य १३ जनामा मोतियाबिन्दु भएको पाईएको प्राबिधिकहरुले जानकारी दिएका छन् । उनीहरुको भरतपुर आँखा अस्पतालमा निःशुल्क अप्रेसन हुने सस्थाका अध्यक्ष शोभा प्रसाद आचार्यले जानकारी दिए ।
भरतपुर ४ स्थित राधाकृष्ण मन्दिर परिसरमा सम्पन्न निःशुल्क आँखा शिबिर कार्यक्रमको सभापतित्व सस्थाका अध्यक्ष शोभा प्रसाद आचार्यले गरेका थिए । सहकारीले समय समयमा आफ्ना शेयर सदस्यहरुका लागि बिभिन्न स्वास्थ्य शिबिरहरु गर्दै आईरहेको छ ।सहकारीको स्थापना २०६८ सालमा भएको हो ।
संबन्धित समाचारहरु
तपाइँको प्रतिक्रिया