काठमाडौं – नेपाली आधुनिक सुगम संगीतका बादशाह चर्चित गायक तथा संगीतकार शिव परियारको स्वरमा रहेको ‘आँशुको अर्थ ३ – ‘तिमिले पो सक्यौ त’ को भिडियो सार्वजनिक भएको छ ।
‘आँशुको अर्थ’गीतलाई दर्शक तथा स्रोताले निकै मन पराएपछि शिव परियारको स्वर तथा संगीतमा आँशुको अर्थ ३ – ‘तिमिले पो सक्यौ त’को भिडियो सार्वजनिक गरिएको हो । यस गीतलाई रवि अधिकारीले लेखेका हुन्।
गीतको भिडियोमा नायक आकाश श्रेष्ठको प्रमुख अभिनय रहेको छ । यस भिडियोलाई चर्चित म्युजिक निर्देशक निकेश खड्काले निर्देशन गरेका छन् भने गोपाल रसाइलीले संगीत संयोजन गरेका हुन् । स्टुडियो साउन्ड मिलमा रेर्कडिङ गरिएको यो गीतमा महेश्वरमान राजभण्डारीको रेकर्डिङ, मिक्सिङ तथा मास्टरिङ रहेको छ।
हरि हुमागाईको छायांकन र धमला विकासको सम्पादन रहेको यस गीतमा समरा जोशीको मेकअप रहेको छ । गीतको भिडियोलाई गायक शिव परियारले आफ्नै अफिसियल युट्युब च्यानलबाट सार्वजनिक गरिएको छ । भिडियोलाई गायक परियार आफैले निर्माण गरेका छन् ।
