काठमाडौं – गायक सुशील श्रेष्ठ ‘जुजु’को नयाँ म्युजिक भिडियो ‘सुनन म तिमीलाई चाहन्छु’ गीत सार्वजनिक भएको छ। गोपाल आचार्यले निर्देशन गरेका उक्त गीतमा आकाश श्रेष्ठ र उषा उप्रेतीको मुख्य अभिनय रहेको छ ।
आज (बिहिवार) सार्वजनिक भएको उक्त गीतमा सुशिल श्रेष्ठको शब्द र आशिष तामाङको संगीत रहेको छ । मायामा बिश्वास गर्नेहरूको कथा बोकेको उक्त गीतमा सुन्दर दृश्यलाई कैद गरिएको छ । उक्त भिडियोलाई सुदिप बरालले सिनेमेटोग्राफर गरेका छन् भने टेकेन्द्र शाहले सम्पादन गरेका छन् ।
काजी बहादुर श्रेष्ठको लगानी रहेको भिडियोका सह-निर्देशक किरण बिक रहेका छन् । उक्त गीतमा ड्रीम्स स्टुडियोका प्रकाश केसिले मिक्सिङ गरेका छन् । जुजुज क्रेशन युट्युब च्यानल मार्फत सार्वजनिक भएको उक्त भिडियोलाई दृश्य लय सिनेमा प्रा.लि.ले उत्पादन गरेको छ ।
