‘भ्वाइस अफ नेपाल सिजन २’ को विजेता बने राम लिम्बु

काठमाडौं – राम लिम्बु हिमालय टेलिभिजनबाट प्रशारण भएको चर्चित रियालिटी शो भ्वाइस अफ नेपाल सिजन २’को विजेत बनेका छन् । अन्तिम चारबाट कोच प्रमोदको टिमबाट राम विजयी भएका हुन् ।

‘दि भ्वाइस अफ नेपाल’को अन्तिम चारमा सनिष श्रेष्ठ, राम लिम्बु, विकास लिम्बु र आरिफ राउफ पुगेका थिए ।उनीहरुले गरेको प्रस्तुति र दर्शकको भोटिङको आधारमा राम लिम्बु विजेता बनेका हुन् । उनले, विजेता बनेसँगै कार पुरस्कार पाएका छन् । साथै, म्यूजिक नेपालबाट उनको एल्बम समेत सार्वजनिक हुनेछ ।

काठमाडौंको पाँच तारे होटल हायातमा फाइनल कार्यक्रम आयोजना भएको थियो । यो सिजनको कोचमा दीप श्रेष्ठ, प्रमोद खरेल, राजु लामा र आस्था राउत थिए ।