म्यान्चेस्टर डर्बीमा सिटी पराजित

एजेन्सी – म्यान्चेस्टर डर्बीमा सिटी पराजित भएको छ । प्रिमियर लिग अन्तर्गत गए राती सम्पन खेलमा म्यान्चेस्टर सिटी म्यान्चेस्टर युनाइटेडसँग २-१ गोल अन्तरले पराजित भयो ।

युनाइटेडको जितमा मार्कसु रासफोर्ड र एन्टोनी मार्सियलले गोल गरे भने सिटीका लागि निकोलस ओटामेन्डीले एक मात्र गोल फर्काए । रासफोर्डले २३औं मिनेटमा पेनाल्टीबाट पहिलो गोल गरेका थिए। मार्सियलले २९औं मिनेटमा गोल गर्दै युनाइटेडको अग्रता दोब्बर पारेका थिए। सिटीका लागि ८५औं मनटमा निकोलस ओटामेन्डीले एक गोल फर्काए। बाँकी समयमा सिटीले गोल थप्न सकेन र पराजित भयो ।

जितपछी १६ खेलबाट २४ अंक जोडेको युनाइटेड पाँचौ स्थानमा उक्लेको छ। सिटी भने १६ खेलबाट ३२ अंक सहित तालिकाको तेस्रो स्थानमा रहेको छ ।