गौरिकाले जितिन् अर्को स्वर्ण
काठमाडौं – १३ औं दक्षिण एशियाली खेलकुद (साग)मा गौरिका सिंहले अर्को स्वर्ण जितेकी छन्। आज (शुक्रबार) भएको २०० मिटर ब्याकस्ट्रोकमा उनले स्वर्ण जितेकी हुन्।
गौरिकाले २ मिनेट १७.७३ सेकेण्डको समय निकाल्दै स्वर्ण जितेकी हुन् । योसँगै गौरिकाले लगातार दोस्रो दिन स्वर्ण जितेकी छिन् ।
यसअघि बिहीबार सातदोबाटोमा भएको प्रतियोगितामा उनले २०० मिटर फ्री स्टायलमा नेपालका लागि स्वर्ण जितेकी थिईन्। गौरिका सागको पौडीमा व्यक्तिगत विधामा दुई स्वर्ण जित्ने पहिलो खेलाडी समेत बनिन् ।
यस स्पर्धामा भारतकी मनु राजिब पटेलले २ मिनेट २०.७१ सेकेण्डको समय निकाल्दै रजत जितिन् । श्रीलंकाकी गंगासेनले २ मिनेट २७.२५ सेकेण्डको समय सहित कास्य जितिन् । गौरिकाले स्वर्ण जितेसँगै नेपालको स्वर्ण संख्या ४१ पुगेको छ ।
तपाइँको प्रतिक्रिया