कबडी कबडी बिशेष शो मा वरिष्ठ कलाकार मदन कृष्ण श्रेष्ठ चितवन आउने

मंसिर २०, लक्की मिडिया हाउस चितवनको आयोजनामा हुन लागेको चलचित्र कबड्ढी कबड्ढी ३ को बिशेष शोको लागि वरिष्ठ कलाकार मदनकृष्ण श्रेष्ठ चितवन आउनु हुने भएको छ ।
श्रेष्ठ सहित अन्य चर्चित कलाकार यही मसीर २३ गते सिजील्याण्डमार्कको सिनेप्लेक्समा प्रदर्शन हुने बिशेष शोमा आउने भएका हुन । उहांँको साथमा चर्चित एव लोकप्रिय कलाकार विपिन कार्की, नायिका बर्षा राउत, बुढी तामाङ्ग , चलचित्र क्षेत्रकी चर्चित अभिनेत्री तथा निमात्री रोशनी केशी सहित रंग पत्रकार बीना श्रेष्ठ रहेका छन ।

पछिल्लो समय कलाकारीता क्षेत्र धराशायी र अस्तव्यस्त बन्दै गइरहेका बेला नेपाली कलाकारिता क्षेत्रको विकास र प्रवद्र्धन गर्ने उद्धेश्यले उनीहरुलाई यहांँ ल्याउन लागिएको लक्की मिडीया हाउसका महाप्रबन्धक हरि कार्की लक्कीले जानकारी दिनुभयो । उहाँका अनुसार सो अबसरमा विभिन्न सिनेक्षेत्रका हस्ती तथा उद्योगी व्यवसायीलाई सम्मान गर्ने कार्यक्रम रहेको छ। यसले कलाक्षेत्र र कलाकारलाई थप प्रोत्साहन मिल्ने कार्कीको भनाई छ।

विगतका दिनहरुमा समेत विभिन्न क्षेत्रमा आबद्ध कलाकार, व्यवसायी, चिकित्सकलाई मीडीया हाउसले सम्मान गर्दै आएको छ । यस्ता प्रर्वद्धनात्मक कार्यक्रमले नेपाली चलचित्र उद्योग तथा कलाकारिता क्षेत्रलाई थप टेवा पुग्ने विश्वास गरिएको आयोजकले बताएको छ ।