‘सेल्फी किङ’ मा बिपिन ‘मनराज्यको राजा’ (भिडियो सहित)

चितवन – विपिन कार्की अभिनित चलचित्र ‘सेल्फी किङ’को टिजर सार्वजनिक गरिएको छ।सार्वजनिक टिजरमा अभिनेता विपिनलाई मात्र देखाईएको छ। प्रायः चलचित्रमा भिन्न–भिन्न पात्रमा प्रस्तुत भएका विपिन यस चलचित्रमा पनि विल्कुलै भिन्न र नयाँ रुपमा देखिएका छन्। चलचित्रमा उनलाई ‘मनराज्यको राजा’ को रुपमा प्रस्तुत गरिएको टिजरमा देखाईएको छ ।

विशाल सापकोटाको डेब्यू निर्देशनमा तयार भएको चलचित्रमा विपिनले लक्ष्मी वर्देवासंग जोडी बाँधेका छन्। साथमा अभय बराल, लोकमणी सापकोटा, सविन बाँस्तोला, कमल देवकोटा, राजेश बिसुराल लगायतका कलाकारको चलचित्रमा अभिनय रहेको छ। चलचित्रमा अभिनेत्री केकी अधिकारीले बिशेष भुमिका निर्वाह गरेकी छिन्।

गत वर्ष प्रदर्शनमा आएको चलचित्र ‘प्रसाद’का निर्माता सुभाष थापा र सोही चलचित्रका निर्देशक दिनेश राउतले संयुक्त रुपमा ‘सेल्फी किङ’ निर्माण गरेका हुन्। चलचित्रमा निर्देशक विशालकै लेखन, सुशन प्रजापतिको छायांकन, जीवन थापाको सम्पादन, सुवास भुषालको संगीत र निर्मल लामाको कोरियोग्राफी छ।चलचित्र माघ २४ गते बाट प्रदर्शनमा आउदैछ ।