चितवनमा एका बिहानै मोटरसाइकल दुर्घटना, दुई जना गम्भिर घाइते

चितवन – चितवनमा एकाबिहानै मोटरसाइकल दुर्घटना हुँदा २ जना गम्भिर घाइते भएका छन् । भरतपुर महानगरपालिका ७ शिवालयचोकमा आज (शुक्रबार) बिहान ६ बजे गितानगरबाट भरतपुर तर्फ आउदै गरेको ग१५प ११७१ नम्बरको मोटरसाइकलले पैदलयात्रीलाई ठक्कर दिदा २ जना गम्भिर घाइते भएका हुन् ।

घाइते हुनेहरुमा भरतपुर ५ घर भई हाल भरतपुर ७ श्रृजनाचोकमा डेरा गरी बस्ने पैदलयात्री अन्दाजी बर्ष ३६ का कृष्ण प्रसाद चापागाई र मोटरसाइकल चालक भरतपुर २१ पार्वतीपुर बस्ने बर्ष २० को उज्वल सिलवाल रहेको जिल्ला प्रहारी कार्यालय चितवनले जानकारी दिएको छ । घाइते दुबै जनाको चितवन मेडिकल कलेजमा उपचार भईरहेको छ । उनिहरुको अवस्था गम्भिर रहेको प्रहरीले जनाएको छ ।