युवा खेलाडी चम्किदा चेल्सी बिजयी

एजेन्सी – इंग्लिस प्रिमियर लिगमा चेल्सीले एस्टन भिल्लालाई पराजित गरेको छ । गए राती सम्पन्न खेलमा चेल्सीले भिल्लालाई २–१ ले पराजित गरेको हो ।

चेल्सीलाई जिताउन युवा खेलाडीद्धय ट्यामी अब्राहम र मेसन माउन्टले गोल गरे । उता भिल्लाका ट्रेजेग्वेटले एक गोल फर्काए ।स्टामफोर्ड ब्रिजमा भएको खेलमा पहिलो हाफमा २ तथा दोस्रो हाफमा १ गोल भएको थियो । खेलको २४औं मिनेटमा अब्राहमको गोलबाट घरेलु टोलीले खेलमा अग्रता लिएको थियो । ४१औं मिनेटमा ट्रेजेग्वेटले बराबरी गोल फर्काएका थिए ।

दोस्रो हाफको शुरुमै चेल्सीले पुन खेलमा अग्रता बनाउन सफल भयो । अब्राहमको पासमा मेसन माउन्टले गोल गर्दै चेल्सीलाई २–१ को अग्रता दिलाए । त्यसपछि पनि चेल्सीले पाहुना टोलीमाथि लगातार दवाव सिर्जना गरेपनि गोल गर्न नसक्दा चेल्सी २–१ ले विजयी भयो ।