एभर्टनमाथि लिभरपुलको प्रभावशाली जित

एजेन्सी – मार्सिसाइड डर्बी भिडन्तमा लिभरपुलले एभर्टनमाथि प्रभावशाली जित निकालेको छ । गए राती सम्पन्न खेलमा लिभरपुलले ५-२ ले पराजित गरेको हो ।

एनफिल्डमा लिभरपुललाई जिताउन ओरिगीको दुई गोल सँगै जदरान साकिरी, साडियो माने र जर्जिन्हओ विजनल्डमले गोल गरे । एभर्टनका माइकल किन र रिचार्लीसनले गोल गरे ।

खेलको छैटौ मिनेटमा लिभरपुलले डिभोक ओरिगीको गोलबाट अग्रता लिएको थियो । १७औं मिनेटका साकिरीले अग्रता दोब्बर पारे । २१औं मिनेटमा एभर्टनका किनले एक गोल फर्काउदै अग्रता छोट्याए ।

३१औं मिनेटमा ओरिगीले व्यत्तिगत दोस्रो गोल गर्दा लिभरपुलले खेलमा ३–१ को अग्रता बनायो । ४५औं मिनेटमा साडियो मानेले गोल गरे । पहिलो हाफको इन्ज्युरी समयको थप गरिएके तेस्रो मिनेटमा एभर्टनका रिचार्लीसनले एक गोल फर्काउदा खेल ४–२ को अवस्थामा पुगेको थियो । त्यसपछि ९०औं मिनेटम वाइनालडमले गोल गर्दै लिभरपुललाई ५–२ को प्रभावशाली जित दिलाए ।जितसँगै लिभरपुलको १५ खेलबाट ४३ अंक पुगेको छ । पराजित एभर्टन १४ अंक जोडेर रेलिगेसन जोनको १८औं स्थानमा छ ।