काठमाडौँ, कात्तिक २४ – भारतीय नक्सामा नेपालको भूमी समावेश गरेको विरोधमा काठमाडौँको माइतीघरमा प्रदर्शन भएको छ ।
कालापानी, लिम्पियाधुरा र लिपुलेकलाई भारतले आफ्नो नयाँ नक्सामा समावेश गरेको विरोधमा राष्ट्रवादी केन्द्रनेपालले विरोध कार्यक्रम आयोजना गरेको हो । विरोध प्रदर्शनमा प्रहरीले हस्तक्षेप गरेको छ । प्रहरीले एक दर्जनभन्दा बढी प्रदर्शनकारीलाई पक्राउ गरेको छ । प्रहरीले उनीहरुलाई लाठी चार्ज गर्दै नियन्त्रणमा लिएको हो ।
