टि ट्वेन्टी श्रृंखलामा नेपालले आज पहिलो खेल हङ्कङसँग खेल्दै
असोज १९ – ओमानमा जारी पाँच राष्ट्र सम्मिलित टि ट्वेन्टी क्रिकेट श्रृंखलामा नेपालले आज पहिलो खेल हङ्कङसँग खेल्दैछ । नेपाली समय अनुसार खेल दिउँसो पौने ४ बजेबाट सुरु हुनेछ । पहिलो खेल जितेर नेपाल प्रतियोगिताको सुखद सुरुवात गर्ने अवसरमा छ ।
प्रतियोगितामा नेपालसहित ओमान, हङकङ, नेदरल्याण्ड्स र आयरल्याण्ड सहभागी रहेका छन् । खेलमा सबै टिमले एक अर्काविरुद्ध खेलेपछि शीर्ष स्थानमा रहने टिमलाई बिजेता घोषित गरिनेछ । नेपालबाहेक चारवटै टिम युएइमा हुने टि ट्वेन्टी विश्वकपको ग्लोबल छनौटको तयारीमा छन् ।
टि ट्वेन्टी विश्वकप खेल्ने सम्भावना सकेको नेपालले भने यस प्रतियोगितालाई आगामी तयारीका रुपमा लिएको छ । सिंगापुरमा जिम्बावे सम्मिलित टि ट्वेन्टी श्रृंखला खेलेर नेपाली टोली दोस्रो टि ट्वेन्टी श्रृंखला खेल्न ओमान पुगेको हो । एजेन्सी
ताजा अपडेट
संबन्धित समाचारहरु
तपाइँको प्रतिक्रिया