एकसाथ ४ वटा हेलिकप्टर धानखेतमा आकस्मिक अवतरण, सबै यात्रु सकुशल

काठमाडौं, भाद्र ३१ – सोलुखुम्बुको लुक्लाबाट काठमाडौंका लागि उडेका चार वटा हेलिकप्टर एक साथ काभ्रेमा आकस्मिक अवतरण गरिएको छ ।मौसममा खराबी आएपछि सिम्रिक एयरका २ वटा, मनाङ एयरको एउटा र कैलाश एयरको एउटा हेलिकप्टर काभ्रेको पाँचखालमा आकस्मिक अवतरण भएको पाँचखाल नगरपालिका प्रमुख महेश खरेलले जानकारी दिए ।

चारवटा हेलिकप्टर पाँचखाल नगरपालिका–२ मा धानखेतमा अवतरण भएका छन् ।मनाङको एउटा र सिम्रिकका २ वटा हेलिकप्टरमा ६/६ जनाका दरले १८ जना र कैलाश हेलिकप्टरमा ३ जना गरी २१ जना यात्रु सवार रहेका थिए ।हेलिकप्टरमा केही विदेशी यात्रु पनि रहेको थिए । सबै यात्रु सुरक्षित रहेका छन् ।

तस्बिर : सरोज श्रीको ट्विटरबाट