माया लाउने कि नलाउने दोधारमा दयाह्याङ (भिडियो सहित)
चितवन, भाद्र ३० – प्रदर्शनको मुखैमा आएर चलचित्र ‘कबड्डी कबड्डी कबड्डी’ ले नयाँ गीत सार्वजनिक गरेको छ । बर्षकै बहुप्रतिक्षित चलचित्र ‘कबड्डी कबड्डी कबड्डी’ को ‘माया पिरती’ बोलको गीत आज (सोमबार) सार्वजनिक भएको हो ।
गीतमा चलचित्रका मुख्य पात्रहरु दयाहाङ राई र उपासना सिंह ठकुरी फिचर्ड रहेका छन् । सार्वजनिक रोमान्टिक गीतमा दयाहाङ माया पिरती लाउने कि नलाउने दोधारमा रहेको देखाईएको छ । कालीप्रसाद बाँस्कोटा र सविन एकतारेको शब्द रहेको गीतमा बाँस्कोटाकै संगीत तथा स्वर रहेको छ ।
आउदो शुक्रबार अर्थात असोज ३ गते प्रदर्शन हुने चलचित्र ‘कबड्डी कबड्डी कबड्डी’ लाई निर्देशक रामबाबु गुरुङले निर्देशन गरेको हुन् । मनिराम पोख्रेल, अर्जुन कार्की र ओम चन्द्र रौनियारले संयुक्त रुपमा निर्माण गरेको चलचित्रमा निर्देशक गुरुङ र उपेन्द्र सुब्बाको कथा रहेको छ । चलचित्रमा दयाह्याङ, कर्मा, विल्सन र उपासनाको अलावा रिश्मा गुरुङ, बुद्दी तामाङ, कबिता आले, कमलमणी नेपाल, अरुणा कार्की लगायतको पनि अभिनय रहेको छ ।
रुदेन सेडा लेप्चा कार्यकारी निर्माता रहेको चलचित्रमा शैलेन्द्र कार्कीको सिनेमाटोग्राफी रहेको छ । चलचित्रलाई सुरेन्द्र पौडेलले सम्पादन गरेका हुन् । बासुरी फिल्मस्को निर्माण, सिनेमा आर्टको प्रस्तुति, माउण्टेन स्टोरिज र नौमती इन्टरटेन्मेन्टको सहकार्यमा निर्माण भएको चलचित्रमा रेनेशा बान्तवा राईको कोरियोग्राफी रेहेको छ ।
तपाइँको प्रतिक्रिया