भण्डारामा भारतीय ट्रकको ठक्करबाट घाइते भएका तामाङको उपचारको क्रममा मृत्यु
चितवन, भाद्र २९ – हिजो (शनिबार) चितवनको भण्डारामा भारतीय नम्बर प्लेटको ट्रकले ठक्कर दिदा घाइते भएका मोटरसाइकल चालक सरोज तामाङ उपचारको क्रममा मृत्यु भएको छ । तामाङको भरतपुर सरकारी अस्पातलमा उपचारको क्रममा गए राती नै मृत्यु भएको जिल्ला प्रहरी कार्यालय चितवनले जनाएको छ ।
हिजो राप्ती नगरपालिका ४ मार्तल पुल स्थित पुर्व पश्चिम राजमार्गमा पुर्वबाट पश्चिम तर्फ जाँदै गरेको युपी २१ सिएन ३१८८ नम्बरको भारतीय ट्रकले बिपरित दिशाबाट आईरहेको ना १२ प ४९०२ नम्बरको मोटरसाइकललाई ठक्कर दिदा मोटरसाइकलमा सवार २ जना घाइते भएका थिए । घाइते मध्य चालक राप्ती ६ का २५ बर्षिय तामाङको मृत्यु भएको छ भने मोटरसाइकलको पछाडी बसेका राप्ती १ का १४ बर्षिय उत्सव श्रेष्ठको पुरानो मेडिकल कलेजमा उपचार भईरहेको छ । उनको अवस्था मध्यम रहेको प्रहरीले जनाएको छ । ठक्कर दिने ट्रक र चालक प्रहरीको नियन्त्रणमा रहेको छ ।
तपाइँको प्रतिक्रिया