चितवनको कालिकामा ट्याक्टरको ठक्करबाट मोटरसाइकल चालकको मृत्यु
चितवन, भाद्र २९ – चितवनको कालिका नगरपालिकामा ट्याक्टरको ठक्करबाट एक जनाको ज्यान गएको छ । कालिका ७ गैंडाखोलामा ट्याक्टरले मोटरसाइकललाई ठक्कर दिदा घाइते भएका मोटरसाइकल चालक सोही स्थानका बिकास श्रेष्ठको उपचारको क्रममा मृत्यु भएको जिल्ला प्रहरी कार्यालय चितवनले जनाएको छ ।
गैडाखोला स्थित भित्रि सडक खण्डमा जुटपानि बाट क्लव चोक तर्फ आउदै गरेको ना ३ त १३३५ नं. को ट्याक्टरले बिपरित दिशाबाट गईरहेको ना ४१ प ९८४९ मोटरसाइकललाई ठक्कर दिदा चालक श्रेष्ठ गम्भिर घाइते भएका थिए । उनको चितवन मेडिकल कलेजमा उपचारको क्रममा गए राती नै मृत्यु भएको प्रहरीले जनाएको छ । मोटरसाइकलको पछाडि बसेका सोही स्थानका ३० बर्षिय मुकेश पौडेल घाइते भएका छन् । उनको चितवन मेडिकल कलेजमा उपचार भईरहेको र अवस्था मध्यम रहेको प्रहरीले जनाएको छ । ट्याक्टर र चालक प्रहरी नियन्त्रणमा रहेको छ ।
तपाइँको प्रतिक्रिया