प्रिमियर लिगमा लिभरपुलको अपराजित यात्रा कायमै

भाद्र २८ – प्रिमियर लिगमा लिग लिडर लिभरपुलले अपराजित यात्रा कयमै रहेको छ । लिग अन्तर्गत शनिबार भएको खेलमा शिर्ष स्थानको लिभरपुलले न्यूक्यासललाई ३-१ गोल अन्तरले पराजित गर्दै अपराजित यात्रा कायम राखेको हो ।

घरेलु मैदानमा भएको खेलमा लिभरपुललाई जिताउन साडियो मानेले २ तथा मोहम्मद सलाहले एक गोल गरे । पाहुना टोलीका लागि विलियम्सले एक मात्र गोल गरे । खेलमा अग्रता भने पाहुना टोलीले लिएको थियो । खेलको सातौं मिनेटमा नै विलियम्सले गोल गर्दै न्यूक्यासललाई अग्रता दिलाएका थिए ।

तर न्यूक्यासलको अग्रता धेरै बेर टिक्न सकेन । २८ औं मिनेटमा लिभरपुल खेलमा फर्कियो । मानेले गोल गर्दै खेल १-१ को बराबरीमा पुराए । पहिलो हाफ सकिन पाँच मिनेट बाँकी रह्दा मानेले नै व्यक्तिगत दोस्रो गोल गरेपछे लिभरपुलले २-१ को अग्रता लियो ।

खेलको ७२ औं मिनेटमा मोहम्मद सलाहले गोल गर्दै लिभरपुललाई ३-१ को अग्रता दिलाए । बाँकी समयमा थप गोल हुन सकेन र लिभरपुल बिजयी भयो । जित पछी लिग लिडर लिभरपुलको ५ खेलबाट शत प्रतिशत नतिजा सहित १५ अंक भएको छ । न्यूक्यासल भने समान खेलबाट एक जित र एक बराबरी सहित ४ अंकको साथ तालिकाको १७ औं स्थानमा रहेको छ । एजेन्सी