निर्माण व्यवसायी संघ चितवनको अध्यक्षमा कँडेल
चितवन, भाद्र २८ – निर्माण व्यवसायी संघ चितवनको अध्यक्षमा उमाकान्द कँडेल (बाबुराम) चयन भएका छन् । संघको २६ औं साधारण सभा तथा अधिबेसनले कँडेललाई अध्यक्षमा निर्वाचित गरेको हो । कँडेल २०४ मत ल्याउदै बिजयी भएका हुन् । उनका निकटतम प्रतिद्वन्दी छबीलाल गौतमले जम्मा ६८ मत प्राप्त गरे । कँडेलले गौतमलाई १३६ को भारी मतान्तरले पराजित गरे । कँडेल कांग्रेस निकट छन् भने गौतम बाम निकट छन् ।
संघको द्धितीय उपाध्यक्षमा दिनेशचन्द्र न्यौपाने विजयी भए । उनले १५४ मत ल्याए भने उनका निकटतम प्रतिद्वन्दी भिष्म अधिकारीले ११६ मत ल्याए । यस्तै सचिवमा पुष्कर अधिकारी १३७ मत ल्याउदै बिजयी भए । उनका निकटतम प्रतिद्वन्दी राजेन्द्र कुमार श्रेष्ठले १३२ मत ल्याए ।
सह कोषाध्यक्षमा बाबुराजा सिंहलाई ४९ मतान्तरले पराजित गर्दै तारा प्रसाद दुवाडी बिजयी भए । दुवाडीले १६० मत ल्याउदा सिंहले १११ मत ल्याए । संघको सदस्यहरुमा सहदेव उप्रेती (२१८), सञ्जय न्यौपाने (१८५) शिवलाल ढकाल (१७१), प्रकाश तिवारी (१६८), दिपक अधिकारी (१५९), बिष्णु प्रसाद लामिछाने (१४५), दिपक पाठक (१३९) र पिताम्बर बास्तोला (१३७) बिजयी भए ।
यस अघी संघको प्रथम उपाध्यक्षमा केशवप्रसाद लामिछाने र महासचिवमा पुस्तक अधिकारी निर्विरोध निर्वाचित भएका थिए । यस्तै कमलराज आचार्यले उम्मेद्वारी फिर्ता लिएपछि कोषाध्यक्षमा उत्सव भट्टराई तथा महिला सदस्यमा अनुजा धितालले उम्मेद्वारी फिर्ता लिएपछि रोजिना भट्टराई निर्विरोध निर्वाचित भईन् ।
तपाइँको प्रतिक्रिया