रोल्पामा पहिरोले घर पुर्दा २ जनाको मृत्यु, ४ जना वेपत्ता

रोल्पा, भदौ  २७ – रोल्पाको थबाङमा पहिरोले पुरिएर २ जनाको मृत्यु भएको छ भने चार जना वेपत्ता भएका छन् । वेपत्ता भएकाहरुमध्ये २ जनाको शव शुक्रबार बिहान फेला परेको हो ।प्रहरीका अनुसार २८ वर्षीय शीरकुमारी बुढा र उनका ४ वर्षे छोरा असलको शव फेला परेको हो ।

पुरिएर बेपत्ता हुनेमा ३६ वर्षीय जय बुढा, उनकी पत्नी ४० वर्षीय मुलज्योती बुढा, १० वर्षकी छोरी गृष्मा र डेढ वर्षीय छोरी रहेका छन् । थबाङ गाउँपालिका वडा नम्बर २ छेर्लबाङमा दुई परिवारका ६ जना बस्दै आएका थिए ।

जिल्ला प्रहरी कार्यालय रोल्पाका डिएसपी चित्रबहादुर गुरुङले बिहीबार राति घरमाथिबाट खसेको पहिरोले घर पुर्दा पुरिएका २ जनाको शव निकालिएको र पुरिएका अन्यको खोजी कार्य जारी रहेको बताए ।