प्रेस युनियनको महाधिवेशन मंसिर २८ र २९ गते हुने

काठमाडौं, भाद्र ११ – नेपाल प्रेस युनियनको महाधिवेशन आगामी मंसिर २८ र २९ गते हुने भएको छ ।युनियनको पदाधिकारीको बैठकले मंसिर २८ र २९ गते काठमाडौंमा महाधिवेशन गर्ने निर्णय गरेको हो ।

बैठकले जिल्ला अधिवेशन भदौ महिनाभित्र सक्ने र मंसिर अन्तिममा केन्द्रीय महाधिवेशन गर्ने निर्णय गरेको प्रेस युनियनका महासचिव अजयबाबु शिवाकोटीले जानकारी दिए । उनका अनुसारपदाधिकारी बैठकको यो निर्णयलाई काठमाडौंमा बुधबार साँझ बस्ने कार्यसम्पादन समितिको बैठकले अनुमोदन गर्नेछ ।