लुकाकुले डेब्यू खेलमा नै गोल गर्दा इन्टरको फराकिलो जित

भाद्र १० – म्यानचेस्टर युनाइटेडबाट यसै सिजन मात्र इन्टर मिलानमा गएका बेल्जियन स्टार रोमेलु लुकाकुले डेब्यू खेलमा नै गोल गरेका छन् । गए राती सम्पन्न खेलमा इन्टरले सिरी ए लिसविरुद्ध ४-० फराकिलो जित निकाल्दा लुकाकुले डेब्यु खेलमा नै गोल गरे ।

इन्टरको दबदबा रहेको खेलको २१ औं मिनेटमा ब्रान्जोभिचले गोल गर्दै टोलीलाई सुरुवाती अग्रता दिलाएका थिए । लगत्तै खेलको २४ औं मिनेटमा इन्टरले अग्रता दोब्बर बनायो । दोस्रो गोल सेन्सीको नाममा रह्यो । पहिलो हाफमा इन्टर २-० ले अघी रह्यो ।

पहिलो हाफमा दुई गोलको अग्रता बनाएको इन्टरले दोस्रो हाफमा थप २ गोल गर्‍यो । खेलको ६० औं मिनेटमा रोमेलु लुकाकुले डेब्यु खेलमा गोल गरेपछी इन्टर ३-० को अग्रता लिन सफल भयो । ७६ औं मिनेटमा लिस १० खेलाडीमा झर्न पुग्यो । उसका फारियसले फल गरेपनि रातो कार्ड पाउँदै मैदानबाट बाहिरिए । जसका फाइदा उठाउँदै ८४ औं मिनेटमा कान्द्राभाले गोल गरेपछी इन्टर ४-० ले बिजयी भयो । एजेन्सी