एकदिवसीय वरियतामा नेपाल एक स्थान तल झर्‍यो

काठमाडौं, भाद्र ६ – एकदिवसीय क्रिकेट वरियतामा नेपाल एक स्थान तल झरेको छ ।अन्तर्राष्ट्रिय क्रिकेट परिषद् (आईसीसी) ले निकालेको नयाँ वरियतामा एक स्थान तल झर्दै नेपाल १६ औं स्थानमा पुगेको हो । यसअघि नेपाल १५औं स्थानमा थियो ।

नेपालले आठ खेलबाट १५२ अंक पाउँदा १९ रेटिङ रहेको छ । नेपाल भन्दा मुनि यूएई र पपुवा न्युगिनी रहेका छन् ।एकदिवसीय वरियताको शीर्ष स्थानमा विश्वविजेता इंग्ल्यान्ड रहेको छ । दोस्रो स्थानमा भने भारत रहँदा तेस्रो स्थानमा न्युजिल्यान्ड र चौथो स्थानमा अष्ट्रेलिया छ ।