पानीजहाजमा काम लगाइदिने भन्दै तीन सयजनासँग छ करोड ठग्ने पक्राउ

असार ४,काठमाडौं । सिंगापुरमा पानीजहाजको काममा लगाइदिने भन्दै करोडौं ठगी गर्ने एकजनालाई महानगरीय अपराध महाशाखाको टोलीले पक्राउ गरेको छ । पक्राउ पर्नेमा नुवाकोट गणेशस्थानका प्रवीन पौडेल छन् ।
उनलाई मकवानपुरबाट पक्राउ गरिएको हो ।

अपराध महाशाखाका प्रमुख वरिष्ठ प्रहरी उपरीक्षक (एसएसपी) सहकुल थापाका अनुसार पौडेलले काठमाडौंको विशालनगरस्थित ‘द एपेरिङ्क फर्म’ ट्रेनिङ सेन्टर खोलेर तीन सय जनाक्तिबाट ६ करोड भन्दा बढी रकम ठगी गरेको पाइएको छ । पौडेलले सिंगापुरको सोलास कम्पनीको पानीजहाजमा काम लगाइदिने भन्दै विभिन्न व्यक्तिलाई भारतको लखनउमा पठाएर तालिमसमेत दिने गरेको अनुसन्धानबाट खुलेको छ । पौडेलले सिंगापुरमा पाँच लाख नेपाली तलब हुने भन्दै ठगेको पाइएको एसएसपी थापाले बताए । बाह्रखरीबाट