लिभरपुललाई छैटौं पटक च्याम्पियन्स लिगको उपाधि

एटुजेड समाचार

जेष्ठ १९ – इंग्लिस क्लब लिभरपुलले छैटौं पटक च्याम्पियन्स लिगको उपाधि हात पारेको छ । च्याम्पियन्स लिग अन्तर्गत गए राती सम्पन्न खेलमा प्रिमियर लिग प्रतिद्द्वन्दी टोटेनह्याम हट्स्परलाई पराजित गर्दै लिभरपुलले छैटौं पटक च्याम्पियन्स लिगको उपाधि जितेको हो । छैटौं पटक उपाधी जित्ने क्रममा उसले टोटेनह्यामलाई २-० ले पराजित गर्‍यो ।

लिभरपुललाई जिताउन मोहम्मद सलाह र डिभोक ओरिगीले गोल गरे । खेलको दोस्रो मिनेटमा नै लिभरपुलले अग्रता लिएको थियो । साडियो मानेको क्रसमा बल माउसा सिसोकोको ह्यान्ड भएपछि सलाहले पेनाल्टीमा गोल गर्दै टोलीलाई अग्रता दिलाएका थिए ।
दोस्रो गोल गर्नका लागी भने उसलाई अन्तिम सम्म कुर्नु परेको थियो । खेलको ८७ औं मिनेटमा बैकल्पिक खेलाडी ओरिगीले गोल गरे पछी लिभरपुल २-० ले बिजयी भयो । लिभरपुल सन् २००५ पछी पहिलो पटक च्याम्पियन बनेको हो । उसले गत सिजन पनि च्याम्पियन्स लिगको फाइनल खेलेको थियो । तर फाइनलमा रियल म्याड्रिडसँग पराजित भएको थियो ।एजेन्सी 

शेयर गर्नुहोस्

प्रतिक्रिया दिनुहोस्

अन्य समाचारहरू