चितवन – चितवनको खैरहनिमा गाईको मासु काट्ने ६ जना पक्राउ परेका छन् । खैरहनी नगरपालिका १० बडगाउँ स्थित केराबारी भित्र गाईको मासु काट्दै गरेको अवस्थामा ६ जनालाई पक्राउ गरिएको जिल्ला प्रहरी कार्यालय चितवनले जानकारी दिएको छ ।
प्रहरीका अनुसार आज (सोमबार) दिउँसो १ः५० बजे इलाका प्रहरी कार्यालय खैरहनीका प्रहरी नायब निरिक्षक उज्वलराज चितुवालको कमाण्डमा खटिएको टोलीले उनीहरुलाई नियन्त्रणमा लिएको थियो । हाल घटना बारे थप अनुसन्धान भइरहेको प्रहरीले जानकारी दिए ।
