सन् २०२४ : मेरो जीवनको अविस्मरणीय अध्याय

एटुजेड समाचार

डा. मनोज कँडेल

सन् २०२४ मेरो जीवनको एउटा यस्तो अद्वितीय र अविस्मरणीय वर्ष बन्यो जसले मलाई नयाँ अनुभव र उपलब्धिहरूको स्वाद चखायो। यो वर्ष मेरो पेशागत यात्रा, पारिवारिक सम्बन्ध र व्यक्तिगत जीवनका सबै पक्षहरूलाई सम्पूर्णता र विशेषता प्रदान गर्ने अवसर बन्यो। यसले मेरो जीवनका हरेक पाटोमा नयाँ उज्यालो ल्यायो र म भन्छु, यो वर्ष वास्तवमै मेरो जीवनको एउटा अद्वितिय यात्रा जस्तै हो ।

पेशागत उपलब्धिहरू: चिकित्सा यात्रामा नयाँ उचाइहरू

यो वर्ष मेरो हाडजोर्नी विशेषज्ञको रूपमा एक महत्त्वपूर्ण साल बन्यो। मैले प्राइमरी टोटल हिप र नी रिप्लेसमेन्ट (THR र TKR) र रिभिजन शल्यक्रियाका जटिल अपरेशन्स सफलतापूर्वक सम्पन्न गर्दै बिरामीहरूको जीवनमा अनगिन्ती सुधार ल्याउन ऑफुलाइ सक्रिय बनाइ राखें। शल्यक्रियामा मेरो शुद्धता र मिहिनेतले मलाई चिकित्सकीय संसारमा अझ सशक्त र समर्पित बनायो।

मैले जति जति कठिनाइ र चुनौतीहरू भोग्दै गए मेरो आत्मा ती सबैबाट परिष्कृत हुँदै गयो। हात र खुट्टाका र अंगहरूको ट्रमा र पुनर्निर्माण शल्यक्रियामा गरेको प्रयासले मलाई जीवन र मृत्युसँगको अनौठो संगतको अनुभव दिलायो। बिरामीहरूको आँखामा र प्रशंसा शब्दहरूमा मैले आफूलाई पाएको सन्तोषका पलहरू मेरो जीवनका सर्वोत्तम र सर्वाधिक पुरस्कृत क्षणहरू बन्न गएका छन्।

यस वर्ष अनुसन्धान र ज्ञानको क्षेत्र पनि मेरो लागि नयाँ अवसर र सम्भावनाहरूको खजानाको रूपमा आयो। मैले घुँडाको स्वास्थ्य सुधार, चोटपटकको रोकथाम, र व्यायामका नयाँ उपायहरूलाई प्रस्तुत गर्दै चिकित्सा क्षेत्रमा योगदान पुर्‍याउने प्रयास गरेँ। मेरो Trauma टोलीको साथमा गरेका अध्ययनहरूका म्यागेजिन पत्रिकामा प्रकाशन र अन्तर्राष्ट्रिय मञ्चहरूमा प्रस्तुतीकरणले मेरो आत्मविश्वासलाई अझ प्रगाढ बनायो। यी सबै प्रयासहरूले मलाई जीवनका हरेक चुनौतीलाई अवसरमा बदल्ने कला सिकायो।

लार्के पास यात्रा: हिमालको काव्य र आत्माको समृद्धि

जब म लार्के पासको यात्रा गर्दै थिए, त्यस समयमा मैले केवल प्राकृतिक सौन्दर्यको मजा लिएका थिइन, अपितु एक नयाँ अध्यात्मिक ऊचाइलाई पनि अनुभव गरें। हरेक पाइला, हरेक मोडमा गहिरो शान्ति र अद्वितीय सौन्दर्य थियो। बुढीगण्डकीको किनारमा हाम्रो यात्रा सुरू गर्दा, प्रकृतिले आफ्ना सबै रंग र रूपहरूको विस्तार गरेको जस्तो लाग्थ्यो। ती हरियालीले, शान्त जलप्रवाहहरूले, र पर्वतीय शिखरहरूको मालाहरूले हामीलाई आफूसँग जोड्दै लगेको थियो।

खर्क र धारापानीको बाटो हुदै हामी झरनाहरूका साथ यात्रा गर्दै, जंगलको गहिरो अँध्यारो र तिब्बती परमपराको झल्को दिने गाउँहरूको सुगन्धित हावा महसुस गर्दै अगाडि बढिरहेका थियौं। ती रमाइला बाटाहरूमा हामीले पाएको शान्ति र समृद्धि कुनै शब्दमा व्यक्त गर्न सक्दैनौं।

लार्के पासको शिखरमा पुगेपछि मैले न केवल हिमाली सौन्दर्यको वास्तविक रूप देखे, अपितु आन्तरिक शान्ति र साहसको उच्चतम बिन्दूमा पुगेको महसुस गरेँ। यो यात्रा केवल एक भौतिक यात्रा थिएन, बरु यो आत्मा र मनको गहिरो यात्रा बन्यो।

अस्ट्रेलिया यात्रा: परिवारसँगको मिलन र अनमोल पलहरू

अस्ट्रेलिया यात्रा मेरो जीवनको अर्को अविस्मरणीय अनुभव बन्यो। यहाँ, २० वर्षदेखि बसोबास गरिरहेका परिवारका सदस्यहरूसँगको भेटले हाम्रो सम्बन्धलाई नयाँ आकार र अर्थ दियो। हामीले समुद्रको किनारमा बिताएका ती मधुर पलहरू, समुद्री छालहरूसँगको रमाइलो, र चिडियाखानामा रहेका जनावरहरू र म्युजियम मा रहेका डाइनोसार लगायत को विविध जनावर का अवषेश को अन्वेषणले हाम्रो जीवनको नयाँ अर्थ खोज्न मद्दत पुर्यायो।

परिवारसँगका ती पलहरूले मात्र हामीलाई एक अर्कामा जोड्दैन, बरु हामीले एक अर्का संग आफूलाई सुरक्षित र समर्थ महसुस गर्यौं। सँगै बिताएका रमाइलो क्षणहरूले हाम्रो बन्धनलाई अझ प्रगाढ बनायो। यति धेरै रमाइलो र उत्साहपूर्ण पलहरू बिताएर, मलाई यस्तो लाग्यो कि जीवनका सबै संघर्ष र चुनौतीहरू पुरा गरेर हामीलाई यो सन्देश प्राप्त भएको छ—जीवनमा वास्तविक खुशी भनेको पारिवारिक साथ र प्रेममा लुकेको छ।

परिवारसँगको समय: मायाको पूर्ति र जीवनको अर्थ

मेरो श्रीमती र छोरीसँग बिताएका ती पलहरूले मेरो जीवनलाई वास्तविक अर्थ दिए। मेरी छोरी आदित्रीले हाम्रो परिवारको एकताका लागि सोध्ने प्रश्नहरूले मलाई सँधै भावुक बनाउँथ्यो। आदित्रीको सानो सानो प्रश्नले परिवारको महत्त्व र जिम्मेवारीलाई अझ गहिरो बनायो। मेरी श्रीमती काठमाडौंमा DM अध्ययन गर्दै छिन , र मैले छोरीसँग समय बिताउने र त्यस क्रममा उनलाई सुरक्षित र प्यारो महसुस गराउने सबै प्रयास गरेकोछु। ती पलहरुले मलाई साँचो मायाको अर्थ र परिवारका बीचको बलियो बन्धनको महत्त्व बुझायो।

सिर्जनात्मक अभिव्यक्तिमा जीवनका भाव:

मभित्रको साहित्यिक यात्राले यस वर्ष पनि विश्राम लिएन। यस वर्ष मेरो कवि-मनले झनै सशक्त रूपमा आफ्ना भाव व्यक्त गऱ्यो। प्रेम, झरी, जीवनको संघर्ष, पछुतो र चिकित्सा क्षेत्र, र अन्य विभिन्न विषयमा करिब १०० भन्दा बढी सिर्जनाहरू सिर्जना गरें। ड्यूटीबाट फुर्सदका पलहरूमा लेखिएका यी कविताहरू मेरा सिर्जनात्मक यात्राको प्रतिबिम्ब बने यो मेहनेत मेरो भावनात्मक यात्रालाई आकार दि ने प्रयास मा छ ।

यस वर्ष मैले सिर्जनात्मक अभिव्यक्तिका साथै त्रिभुवन विश्वविद्यालयको बीरेन्द्र बहुमुखी क्याम्पसमा समाजशास्त्र (MA Sociology) मा अध्ययन सुरु गरेँ। यसले समाज र मानव जीवनलाई गहिरो रूपमा बुझ्ने मेरो चाहनालाई थप उचाइ दियो।
मेरा कविताहरू र अध्ययन दुवैले मेरो जीवनलाई नयाँ दृष्टिकोण र प्रेरणाले भरिदिएका छन्।

प्रेरणा र खुशीको यात्रा

२०२४ मेरो जीवनको एक अविस्मरणीय र प्रेरणादायक वर्ष बन्यो। मैले पेशागत रुपमा उत्कृष्टता, पारिवारिक प्रेम, र सिर्जनात्मक अभिव्यक्तिमा नवीनता देखे। यसले मेरो जीवनलाई सार्थकता र उत्साहका साथ प्रगति गरायो। यो वर्ष एक यस्तो अद्वितीय अनुभव बन्यो जसले मलाई मेरो जीवनको प्रत्येक क्षणलाई नयाँ अर्थ र जोशका साथ अँगाल्न प्रेरित गऱ्यो।

यस वर्षले मलाई विश्वास दिलायो कि जब हामी वास्तविक प्रेम र प्रतिबद्धतासँग अघि बढ्छौं भने, जीवनका हरेक पाटोमा रंग र उल्लास पाउन सक्छौं। यो वर्ष सधैं मेरो हृदयमा प्रेरणा र खुशीका क्षणको रूपमा रहिरहनेछ।

शेयर गर्नुहोस्

प्रतिक्रिया दिनुहोस्

अन्य समाचारहरू