धादिङबेशी : कम्प्युटर एसोसिएसन नेपाल (क्यान) महासंघ धादिङको अधिवेशन सम्पन्न भएको छ । आज (शुक्रबार) सातौँ साधारण सभा तथा चौथो अधिवेशनले लेख बहादुर श्रेष्ठको अध्यक्षतामा ९ सदस्यीय नयाँ कार्यसमिती चयन भएको हो ।
संघको उपाध्यक्षमा सन्तोष अधिकारी, सचिवमा द्रोण प्रसाद दुवाडी, कोषाध्यक्षमा मोहन प्याकुरेलसहित ९ सदस्यीय कार्यसमिती बनेको हो ।
कार्यक्रममा प्रमुख अतिथी क्यान महासंघका केन्द्रिय सदस्य भानु शर्मा, विशिस्ट अतिथी क्यान चितवनका सचिव इ. कृष्ण पोख्रेल रहेका थिए ।
कार्यक्रममा प्रमुख अतिथी शर्माले क्यान महासंघ र सूचना प्रविधिको बारेमा जानकारी दिंदै नयाँ कार्यसमितिलाई बधाई र सफल कार्यकालको शुभकामना व्यक्त गरेका थिए ।
