चितवन नारायणगढ मुग्लिन सडकखण्डको नौकिलोमा ट्रक दुर्घटना हुँदा चार जना गम्भीर घाइते भएका छन् ।
नारायणगढबाट मुग्लिङतर्फ गइरहेको बागमती प्रदेश ०३ ००१ ख ३४९० नम्बरको ट्रक आज आइतबार बेलुका करिब पौने सात बजे सडकमा अनियंत्रित भइ पल्टिएको थियो ।
चामल बोकेको उक्त ट्रक पल्टिँदा चार जना गम्भीर घाइते भएको र उनिहरुको अवस्था गम्भीर रहेको जिल्ला प्रहरी कार्यालय चितवनले जनाएको छ ।
चार मध्य दुई जनालाई उपचारको लागि भरतपुर अस्पताल ल्याईएको छ र दुई जना च्यापिएको अवस्थामा भएको हुदा उद्दार कार्य भईरहेको चितवन प्रहरिको भनाई छ ।
