काठमाडौं – सबिन कुमार तोलाङ्गीको निर्देशनमा तयार पारिएको ‘ पिरतीले सल्काइदेउ ’ गीतको म्युजिक भिडियो सार्वजनिक भएको छ ।
कृष्ण भटराई र नितु पौडेलको आवाज रहेको उक्त गीतमा लोक राईको शब्द रहेको छ भने बाबुल गिरीको संगीत / एरेन्ज रहेको छ । उक्त गीतको भिडियोमा अनुराग थपलिया, साया भण्डारी, प्रिन्स युवराज कार्की र रानु कार्कीको अभिनय देख्न सकिन्छ ।
म्युजिक भिडियोमा करण सिंह चैसिरले छायांकन गरेका छन् । उक्त म्युजिक भिडियोको कोरियोग्राफरमा सन्देश वि.क. रहेका छन् भने सम्पादन पदम सुवेदीले गरेका छन् । गीतमा शिवराज कार्की कार्यकारी निर्माता छन्, भने प्रिन्स युवराज कार्की र रानु कार्की निर्माता रहेका छन् ।
कमल प्रसाद शर्माको निर्माण संयोजन रहेको म्युजिक भिडियोमा भुवन श्रेष्ठ व्यवस्थापकमा रहेका छन् । त्यसैगरी, मिडिया संयोजकमा पत्रकार निराज रानाभाट रहेका छन् , भने अनिमेष श्रीङ्गारमा रहेको छ ।
उक्त म्युजिक भिडियोको मिडिया पार्टनरमा जन अपडेट डटकमलगायत अन्य विभिन्न अनलाइन मिडिया रहेका छन् । उक्त गीतको म्युजिक भिडियो तपस्या युट्युब च्यानल मार्फत सार्वजनिक गरिएको छ ।
