सनराईज ट्रेड लिंकको १३ औं वार्षिक उत्सव कार्यक्रम सम्पन्न
चितवन – भरतपुर १०, हाकिमचोकमा रहेको सनराईज ट्रेड लिंकको १३ औं वार्षिक उत्सव कार्यक्रम सम्पन्न भएको छ । सनराईजले (शुक्रबार) भरतपुर ९ स्थित फोर सिजन रेस्टुरेन्ट एण्ड पार्टी भेन्युमा एक कार्यक्रमको आयोजना गरी १३ औं वार्षिक उत्सवको अवसरमा भेटघाट कार्यक्रम सम्पन्न गरेको हो।
कार्यक्रममा प्रमुख अतिथी चितवन उद्योग संघका बरिष्ठ उपाध्यक्ष मदन घिमिरे रहेका थिए । उनले उक्त संस्था स्थापनाको १३ औं बर्ष पुरा गरी १४ औं बर्षमा प्रवेश गरेकोमा खुशी व्यक्त गर्दै आगामी दिनहरुमा यसैगरी निरन्तर संस्थाको वार्षिक उत्सव कार्यक्रम मनाउन पाईयोस् भन्दै शुभकामना व्यक्त गरेका थिए ।
त्यस्तै कार्यक्रममा विशिष्ट अतिथी के.बी साम आल्मुनियम इण्ड्रस्टिजका कन्ट्री म्यानेजर रुपेश थापा रहेका थिए। उनले सनराइज १४ औं बर्षमा प्रवेश गरेको भन्दै थप सफलताको शुभकामना व्यक्त गरे ।
कार्यक्रम सनराईज ट्रेड लिंकका अध्यक्ष नबिन पुरीको सभाअध्यक्षतामा सम्पन भएको थियो । उनले विभिन्न समस्या र चुनौतीको सामना गर्दै सनराईज ट्रेड औं १४ औं बर्षमा प्रवेश गर्न सफल भएको बताए ।
सनराईज लिंक २०६८ सालमा स्थापना भएको हो । यस संस्थाले १३ बर्ष देखि निरन्तर ग्राहकलाई आल्मुनियम तथा युपिभिसिको गुणस्तरिय सामान बिक्री वितरण गर्दै आईरहेको उनको भनाई छ ।
कार्यक्रममा आध्य युपिभिसि फ्याक्ट्रीका सेल्स म्यानेजर श्री निवास सापकोटा, आध्य युपिभिसिका पश्चिम सेल्स म्यानेजर बिष्णु गौतम, भरतपुर व्यवस्थापन समितीका सह- सचिव सागर पराजुली, मुक्तिनाथ बिकास बैकका क्रेडिट अफिसर सुरेन्द्र पौडेल, कुमारी बैक बर्षपार्कका प्रबन्धक गंगा तिमिल्सिना, आईजिआई प्रिडिन्सियल इन्सुरेन्स चितवन शाखाका प्रमुख राम गुरुङ, सांग्रिला डेब्लोमेन्ट बैंक हाकिमचोकका प्रबन्धक मनोज मल्ल लगाएत विभिन्न आल्मुनियमका व्यवसायीहरुको उपस्थिती रहेको थियो ।
तपाइँको प्रतिक्रिया