विष्णु माझीले ल्याइन् नयाँ तीज गीत ‘आइन आमा यो तीजमा’ (भिडियोसहित)

काठमाडौं – नेपाली लोकदोहोरी गीतमा चर्चित र लोकप्रिय गायीका विष्णु माझीको तीज गीत सिग्नेचर ब्रान्डसमेत हो। विष्णु माझीले हरेक साल तीजमा गीत ल्याउने गर्छिन्। उनको गीत नभए धेरैलाई तीज ‘खल्लो’ लाग्न सक्छ। यो तीजमा पनि माझीले नयाँ गीत ल्याएकी छन् । ‘आइन आमा यो तीजमा’ बोलको तीज गीत शनिबार युट्युवमा सार्वजनिक भएको छ । यो गीतलाई उनको ‘पुतलीको भट्टी भाग २०’को श्रृंखलाको रुपमा चिनाइएको छ ।

माझीकै श्रीमान सुन्दरमणी अधिकारीको शब्द तथा संगीत छ । ठीक ११ महिनापछि माझीले यो नयाँ गीत ल्याएकी हुन् । गीतको भिडियोमा पनि माझीलाई फिचर्ड गरिएको छैन, उनको पाश्र्वगायन मात्र छ । यो गीतलाई आशिष अविरलको स्टुडियो रागामा रेकर्ड गरिएको हो ।