चितवन – चितवनमा एस डी टेक कम्पनीले एक महिने डिजिटल उद्यमी तालिम गर्ने भएको छ । डिजिटल मार्केटिङ तथा सूचना प्रविधि क्षेत्रमा काम गर्दै आएको एस कम्पनीले फागुन १ गतेदेखि १ महिने ‘डिजिटल उद्यमी तालिम गर्ने भएको हो ।
आज (विहिबार) भरतपुरमा पत्रकार सम्मेलन गर्दै स्वदेशमै उद्यम गर्दै आएका जनशक्तिलाई लक्षित गरी कम्पनीले ‘डिजिटल उद्यमी’ तालिम आयोजना गर्न लागिएको बताईको छ ।
स:शुक्ल संचालन हुने उक्त तालिममा बढीमा ६० घण्टाको कोर्स उपलब्ध गराइने कम्पनीका संस्थापक तथा प्रबन्ध निर्देशक सौगात देवकोटाले बताए । “अहिले स्वदेशमै व्यवसाय गरिरहेका, व्यवसाय गर्न खोजि रहेका, स्टार्टअप गरिरहेका वा स्टार्टअप गर्न खोजिरहेका युवाहरूलाई लक्षित गर्दै यो तालिम आयोजना गर्न लागेका छौं,” देवकोटाले भने, “यसले उनीहरूलाई व्यवसाय डिजिटल माध्यममा विस्तार गर्न टेवा पुर्याउँछ ।”
तालिममा सहभागी हुनेले सोसल मिडिया मार्केटिङ सिक्न सक्नेछन् । त्यसका साथै सामाजिक सञ्जालमा कसरी पेज बनाउने, कस्तो पोस्ट राख्ने, कतिबेला पोस्ट गर्ने, ती पोस्टकसरी व्यवस्थापन गर्ने, पोस्ट कसरी डिजाइन गर्ने, पेजमा कसरी एड रन गर्ने भन्ने विषयमासिकाइने देवकोटाले सुनाए ।
पछिल्लो समय सामाजिक सञ्जालका अकाउन्ट ह्याक हुने गतिविधि पनि बढ्दै गएका छन् । तालिममा सहभागी हुनेले त्यस्ता घटनाबाट आफू कसरी जोगिने, सामाजिक सञ्जाल कसरी सुरक्षित राख्ने लगायतका साइबर सचेतनाबारे जानकारी पाउने उनको भनाइ छ । त्यसका साथै सहभागीले डिजिटल माध्यममा बिल तयार पार्ने, रेकर्ड राख्ने, कारोबार अगाडिबढाउने सकिने विषयमा पनि जान्न पाउनेछन् ।
उनले व्यवसायका लागि आवश्यक पर्ने सफ्टवेयर कसरी व्यवस्थापन गर्न सकिन्छ भन्ने विषयमा सम्पूर्ण जानकारी साथै वेबसाइट व्यवस्थापन तथा एसईओको बारेमा जानकारी दिने बताए ।
कार्यक्रममा सहभागी हुनेले नेपाली टाइपिङ गर्न सिक्नुका साथै वर्ड, पीपीटी तथा एक्सल सफ्टवेयर समेत प्रयोग गर्न जान्नेछन् । यो चितवनका उद्यमीलाई लक्षित गरी सञ्चालन गर्न लागिएको तालिम हो । तालिममा भौतिक रुपमा सहभागी हुनुपर्ने छ । तालिमबारे ९८५५०१८०४६ मा सम्पर्क गरेर थप बुझ्न सकिने कम्पनीले बताएको छ ।
एस।डि टेक कम्पनी प्रालि सन् २०१९ मा स्थापित डिजिटल मार्केटिङ तथा आइडी सेवा प्रदान गर्ने कम्पनी हो । यसको मुख्यालय चितवनको भरतपुरमा रहेको छ । एसडीटेकले विगत दुई वर्षदेखि अवसर एकेडेमीमार्फत विभिन्न किसिमका आईटीतथा डिजिटल मार्केटिङ सम्बन्धी तालिम प्रदान गर्दै आईरहेको छ ।
