भरतपुर – चितवनमा माघ २५ गतेदेखि अन्तर कलेज हिसान कप फुटबल हुने भएको छ । उच्च माध्यमिक विद्यालय संघ (हिसान) चितवनको आयोजना प्रतियोगिता हुन लागेको हो ।
नाइन ए साइड प्रतियोगिताका खेलहरु गेष्ट हाउस चौर भरतपुर १० मा हुनेछ । प्रतियोगितामा हिसान चितवन अन्तर्गतका १६ दश जोड २ कलेजका टिमहरु सहभागी हुनेछन् । सहभागी टोलीहरुलाई दुई समूहमा विभाजन गरिने आयोजक हिसान चितवनले जनाएको छ ।
प्रतियोगिताको विजेताले ट्रफीसहित ३० हजार रुपैयाँ प्राप्त गर्नेछ । उपविजेता टोलीले २० हजारसहित ट्रफी प्राप्त गर्ने आयोजकले जनाएको छ । यस्तै हरेक विधामा उत्कृष्ट हुने खेलाडीहरुलाई पनि पुरस्कारको व्यवस्था गरिएको छ ।
केही दिन भित्रै खेल तालिका सार्वजनिक गर्ने आयोजकको तयारी छ । कलेज तहदेखि नै फुटबल खेलको बिकास र खेलाडीको खेल कौशल वृद्धिका लागि प्रतियोगिता आयोजना गरिएको हिसानले जनाएको छ । प्रतियोगिताको तयारी तीव्र पारिएको छ ।
