भरतपुर – भरतपुर ९ स्थित डन एकेडेमीमा विद्यालय स्तरीय यु १४ सेभेन ए साइड फुटबल प्रतियोगिता सुरु भएको छ । प्रतियोगिता आज (शुक्रबार) बाट सुरु भएको हो ।
प्रतियोगिताको आज एक कार्यक्रमकाबीच विद्यालय सञ्चालक समितिका अध्यक्ष मनोज विष्ट र विद्यालयकी प्राचार्य संगिता ओस्ती विष्टले उद्घाटन गरे । तीन दिनसम्म चल्ने प्रतियोगितामा महानगरपालिका भित्रका ३२ विद्यालयको सहभागि छन् ।
पहिलो दिन आज पहिलो चरणका १६ वटा खेल सम्पन्न भएका छन् । विद्यालयस्तरदेखि पनि फुटबल खेलको बिकासका लागि प्रतियोगिता आयोजना गरिएको प्राचार्याले वस्तीको भनाइ छ ।
प्रतियोगितामा प्रथम र द्धितीय हुने टिमले मेडल,ट्रफी र प्रमाणपत्र प्राप्त गर्नेछन् । यस्तै विधागत उत्कृष्ट हुने खेलाडीहरुलाई पनि पुरस्कारको व्यवस्था गरिएको छ ।
