चितवन- हाम्रो दृष्टि राम्रो दृष्टि जापान शाखाले राष्ट्रिय आधारभुत बिद्यालय देउजरमा रहेका ५५ जना बद्यार्थीलाई न्यानो कपडा तथा शैक्षिक सामाग्री बितरण गरेको छ । शनिबार जापाको ओसाकामा नेपाली नयाँबर्षको अबसरमा आयोजीत सांगितिक कार्यक्रमबाट बचेको रकमले बिद्यार्थीहरुलाई न्यानो कपडा तथा शैक्षिक सामाग्री बितरण गरिएको हो ।
कार्यक्रम संयोजक बिबेक कडेलको अध्यक्षतामा सम्पन्न कार्यक्रममा कालिका नगरपालिका वडा नम्बर १० का अध्यक्ष नरजंग प्रजा, संस्थाका केन्द्रीय अध्यक्ष मुक्तिनाथ सुवेदी, संस्थाका संरक्षक टिकाराम कंडेल, अध्यक्ष बसन्त गैरे, समाजसेवी रमेश जंग थापाले बिपन्न वर्गका बिद्यार्थीहरुलाई बिद्यालय नियमित गराउनका लागि यस्ता कार्यक्रमहरु फलदायी हुने बताउनुभयो । उहाँहरुले यस्ता कार्यक्रमहरुलाई निरन्तरता दिने बताउनुभयो ।
