चितवन – अंकुरम एकेडेमीमा फुड फेस्टिवल सम्पन्न भएको छ । भरतपुर महानगरपालिका वडा नम्बर ७ स्थित एकेडेमीले आज (शुक्रबार) फुड फेस्टिवल सम्पन्न गरेको हो ।
दिउँसो १ बजेदेखि ३ बजेसम्म आयोजित फेस्टिवलमा कक्षा ८ देखि १२ सम्म अध्ययनरत विद्यार्थीहरुको सहभागिता रहेको थियो । जस्मा विद्यार्थीहरुले २० वटा स्टलमा ८० /९० प्रकारका खानेकुराहरु बनाएका थिए ।
विद्यार्थीहरुले फरक फरक परिकारका खाना बनाएर अभिभावक तथा अवलोकनकर्ताहरुलाई खुवाएका थिए । फेस्टिबलमा सेलरोटी, तरकारी, चना, आलु परौठा, सुख्खा रोटी, लस्सी, जुश, लड्डु, चिप्स, पकौडा, अम्लेट, माछा, मासु, चटपट पानीपुरी लगाएतका परिकार थिए ।
कार्यक्रममा खानाका स्टलसँगै साँस्कृतिक प्रस्तुति पनि थियो । विद्यार्थीहरुले आ-आफ्नो प्रस्तुतिमार्फत सहभागीहरुलाई मनोरञ्जन प्रदान गरेका थिए । साँस्कृतिक कार्यक्रममा कक्षा १ देखि ७ सम्मका विद्यार्थीहरुको सहभागिता रहेको थियो ।
विद्यार्थीहरुलाई व्यवहारिक शिक्षा प्रदान गर्नका लागि कार्यकम आयोजना गरिएको कार्यक्रमका संयोजक तथा एकेडेमिका तहप्रमुख अर्जुन शर्माले बताए ।
विद्यार्थी आँफैले खानाका परिकार तयार गरेको हुँदा खाना बनाउन लाग्ने मेहेनत र खानाको महत्त्व बारे बुज्न सक्छन् भन्ने उदेश्यले फुड फेस्टिबल गरिएको उनको भनाई छ । बिध्यार्थिहरुलाई किताबि ज्ञान मात्रै नभएर प्राक्टिकल नलेज हुने भएकाले सो कार्यक्रम फलदायी भएको उनले बताए ।
स्कुलले वार्षिक कार्यतालिका अन्तर्गत आज तेस्रो फुड फेस्टिवल सम्पन्न गरेको हो । कार्यक्रममा स्कुलका शिक्षक, विद्यार्थी, अभिभावक र अन्य स्कुलका प्रतिनिधि लगाएतको उपस्थिती रहेको थियो ।
