भरतपुर – लायन्स इन्टरनेशनल डिष्ट्रिक ३२५आर नेपाल क्लष्टर नं. ५ को आयोजनामा लायन्स अन्तर्राष्ट्रिय पिस पोष्टर कार्यक्रम सम्पन्न भएको छ । लायन्स इन्टरनेशनल डिष्ट्रिक ३२५आर, नेपाल का क्लष्टर चिफ लायन पुरन थापा मगरको अध्यक्षतामा सम्पन्न कार्यक्रममा डिष्ट्रिक ३२५आर, नेपालका प्रथम भाईस डिष्ट्रिक गर्भनर लायन दिनानाथ न्यौपाने प्रमुख अतिथि रहेको थिए ।
लायन्स अन्तर्राष्ट्रिय पिस पोष्टर कार्यक्रममा १२ वटा लायन्स क्लवले १२ वटा विद्यालयका २१ जना विद्यार्थीहरुलाई कार्यक्रममा सहभागिता गराएका थिए । प्रतियोगितामा निर्णायकको भुमिका प्रदान गर्नु हुने यसै डिष्ट्रिक ३२५आर, नेपालका पूर्व डिष्ट्रिक गभर्नर एवं इभ्यालुएसन मेन्टर लायन राजकुमार श्रेष्ठले लायन्स अन्तर्राष्ट्रिय पिस पोष्टर प्रतियोगिता सम्बन्धी नियम तथा यसका उद्देश्य र महत्व लगाएतका विषयमा विस्तृत रुमपमा प्रकाश गरेका थिए ।
लायन्स क्लव अफ भरतपुर मिड टाउनको तर्फबाट ओम शान्ति एकेडेमिका छात्र अनमोल न्यौपाने प्रथम (विजेता), लायन्स क्लव अफ चितवन माउण्ट एभरेष्टको तर्फबाट स्काई राइडर स्कूल, टाँडीका छात्र आदर्श वस्ती द्वितीय र लायन्स क्लव अफ चितवन लंकूको तर्फबाट लक्ष्मी मा.वि.का समिर चालिसे तृतिय भएका थिए । प्रथम, द्वितीय र तृतीय हुन सफल विद्यार्थीहरुलाई नगद सहित प्रमाण–पत्र र सहभागी सम्पूर्ण विद्यार्थीहरुलाई सहभागितको प्रमाण–पत्र र कलर पेन्सिल सेट उपहार स्वरुप डिष्ट्रिक ३२५आर, नेपालका प्रथम भाईस डिष्ट्रिक गर्भनर लायन दिनानाथ न्यौपानेबाट प्रदान गरेको थियो ।
कार्यक्रममा डष्ट्रिक ३२५आर, नेपालका द्वितीय भाईस डिष्ट्रिक गर्भनर लायन नवराज सापकोटा विशिष्ट अतिथि र अतिथिमा एक्जुकेटिभ चिफहरु कमल श्रेष्ठ, माधव पौडेल र एक्जुकेटिभ को–चिफ बालगोपाल चुकेज्यू डिष्ट्रिक चिफ रामजी पौडेल एवं लायन लिडरहरु लगाएत क्लब अध्यक्ष एवं विभिन्न विद्यालयका वि.व्य.स. अध्यक्ष, प्रधानाध्यापक र शिक्षकहरुको उपस्थिति रहेको थियो ।
लक्ष्मी मा.वि. लंकूको हलमा सम्पन्न कार्यक्रममा रिजन चियर पर्सन एवं कष्टर सचिव लायन गोविन्द अर्यालले सञ्चालन गरेका कार्यक्रमको संयोजक लायन्स क्लव अफ भरतपुर मिड टाउनका अध्यक्ष लायन ई. उमेश ढकाल रहेका थिए ।
