रसुवा – जिल्लाको गोसाईंकुण्ड गाउँपालिकामा बुबाको हत्या गरेको आरोपमा एक पुरुष पक्राउ परेका छन् । गोसाईंकुण्ड गाउँपालिका–५ सानो भार्खुका स्थानीय ६५ वर्षीय छेवाङ तामाङको हत्या गरेको अभियोगमा उनकै ४० वर्षीय छोरा गोपाल तामाङलाई बिहीबार राति प्रहरीले पक्राउ गरेको हो ।
प्रहरी चौकी स्याफ्रुवेशीबाट खटिएको प्रहरीले गोपाललाई पक्राउ गरेको हो । घटनाका सम्बन्धमा प्रहरीले थप अनुसन्धान भैरहेको जानकारी दिएको छ ।
गोपालले मादक पदार्थ सेवन गरी चिर्पट प्रहार गर्दा छेवाङ गम्भीर घाइते भएका थिए । गम्भीर घाइते छेवाङको जिल्ला अस्पताल धुन्चेमा उपचारको क्रममा मृत्यु भएको हो ।
