भरतपुर – मानव अधिकार तथा शान्ति समाज चितवन शाखाले पारिजात आवासिय माध्यमिक विधालय भरतपुर–६ चोकबजारमा अन्तराष्ट्रिय बाल दिवस मनाएको छ ।
२० नोबेम्बरका दिन मानव अधिकार तथा शान्ति समाज चितवनले पारिजात आवासिय मा.वि चोकबजारमा कक्षा १० मा अध्ययनरत विद्यार्थीहरुलाई बाल अधिकारको बारेमा जानकारी , बालबालिकाहरुको अधिकार तथा कर्तव्य तथा लागुऔषध बारेमा सचेतना प्रशिक्षण मानवअधिकार तथा शान्ति समाजका केन्द्रीय उपसभापति राजेन्द्र पौडेल दिए ।
शान्ति समाज चितवन शाखाका सभापति शम्भु राउत , शिक्षक मार्कण्ड खनाल , क्षेत्रप्रसाद रिमाल लगायतको उपस्थिति रहेको कार्यक्रमको सहजिकरण शान्ति समाज चितवन शाखाका सचिव जीवन के सीले गरेका थिए ।
कार्यक्रमको अन्त्यमा विद्यालयका प्राचार्य अरविन्द प्रताप राणाले अन्तराष्ट्रिय बाल दिवसको अवसरमा विद्यार्थीहरुलाई शुभकामना व्यक्त गर्दै शान्ति समाज समाज चितवन शाखाले सचेतना मुलक कार्यक्रम गरेकोमा धन्यवाद ज्ञापन सहित कार्यक्रम समापन गरेका थिए ।
