बैंकहरुलाई त्रैमासिक विवरण सार्वजनिक गर्ने थपियो समय

काठमाडौं –  नेपाल राष्ट्र बैंकले बैंकहरूलाई त्रैमासिक वित्तीय विवरण बुझाउने समय थप गरेको छ । राष्ट्र बैंकले चाडपर्व नजिकिएकाले बैंक तथा वित्तीय संस्थालाई त्रैमासिक रिपोर्ट सार्वजनिक गर्ने समय थप गरिएको जनाएको हो ।

त्रैमास समाप्त भएको एक साताभित्र वित्तीय विवरण सार्वजनिक गरिसक्नुपर्ने व्यवस्थामा कात्तिक १७ गतेभित्र पहिलो त्रैमासिकको अपरिस्कृत वित्तीय विवरण सार्वजनिक गर्न राष्ट्र बैंकले समय थप गरेको छ ।