चितवन – मैयादेबी कन्या कलेजले कक्षा १२ को परिक्षामा उत्तीर्ण बिद्यार्थीहरुलाई बिदाई तथा सम्मान गरेको छ । कलेजले आज एक कार्यक्रमको आयोजना गरी बिदाई तथा सम्मान गरेको हो ।
कलेजले हरेक वर्ष जिल्लामा सर्वोत्कृष्ठ नतिजा ल्याउँदै आएको छ । यस कलेजमा अध्ययनरत छात्रा मध्य कक्षा १२ को नतिजामा ७५ प्रतिशत भन्दा बढि बिद्यार्थी उत्तीर्ण हुन सफल भएका हुन् ।
बिद्यार्थीको लगाब र प्रध्यापकहरुको मेहनतका कारण कलेजले उत्कृष्ठ नतिजा ल्याउन सफल भएको कलेजका अध्यक्ष टंकनाथ पौडेलले बताए । कलेजमा अध्ययन गर्ने छात्राहरुको मनोवल वढाउनका लागि पुरस्कारको घोषणा समेत गरिएको उनको भनाई छ ।
उनले हरेक वर्ष देशमानै सर्वोत्कृष्ठ अंक ल्याउन, जिल्लामा सर्वोत्कृष्ठ अंक ल्याउने र पब्लिक क्याम्पसहरुमा सर्वोत्कृष्ठ अंक ल्याएर उत्तीर्ण बिद्यार्थीहरुलाई पुरस्कारको व्यवस्था गरिने बताए । कलेजमा आएर अध्ययन गर्ने बिद्याथीहरुको शैक्षिक गुणस्तर बृद्धि हुनपर्ने भन्दै उनले सबैलाई लगनशिल भएर अध्ययन गर्न अनुरोध गरे ।
कलेजका प्रिन्सिपल भोजराज न्यौपानेको अध्यक्षतामा सम्पन्न कार्यक्रममा प्रध्यापक संघका सभापति कृष्ण प्रसाद न्यौपाने, उत्कृष्ठ अंक ल्याउन सफल शिरीषा थापामगर लगाएतले बोलेका थिए । कार्यक्रममा उत्कृष्ठ नतिजा ल्याउन सफल प्रध्यापकहरुलाई समेत सम्मान गरिएको थियो ।
