भरतपुर – यही श्रावन २७ गते शनिबार अन्तराष्ट्रिय युवा दिवसका अवसरमा चितवनको भरतपुरमा वृहत युवा केन्द्रित कार्यक्रम “लिडरशिप ओडेसी -२०२३” सम्पन्न हुने भएको छ।
उक्त कार्यक्रममा प्रतिनिधि सभा संसद माननीय सोबिता गौतम, लिडरशिप कोच अनिल केशरी शाह र युवा नेता कविन्द्र बुर्लाकोटी प्रमुख वक्ताको रुपमा आउन लागेको लिडरशिप ओडेसी -२०२३ का संयोजक इ प्रबिन काफ्लेले जानकारी दिएका छन्। उक्त कार्यक्रम श्रावन २७ गते शनिबारका दिन चितवन गार्डेन रिसोर्ट कटहर चोकमा सम्पन्न हुन लागेको काफ्लेले बताए।
कार्यक्रममा करिब ८०० – १००० जना युवा सहभागिताको लक्ष्य लिईएको संयोजक काफ्लेले बताए। कार्यक्रम निशुल्क हुने र युवा उद्यमीलाई प्रबर्धन गर्ने लक्ष्य पनि राखिएको उनले बताए। उनले चितवनलाई नया विचार, नया उर्जा र सम्भावनाको खोजि गर्ने जिल्ला बनाउने कार्यक्रमको लक्ष्य रहेको बताए।
