भरतपुर – चितवनको भरतपुर महानगरपालिका २९ गाईघाटमा ट्रकको ठक्करबाट एक जनाको मृत्यु भएको छ भने एक जना गम्भीर घाइते भएका छन् ।
मुग्लिङबाट नारायणगढ तर्फ आउँदै गरेको ना ६ ख ५६४२ नम्बरको ट्रकले विपरित दिशाबाट जादै गरेको लु ३८ प ६२७० को मोटरसाइकललाई ठक्कर दिएको थियो ।
दुर्घटनामा मोटरसाइकल चालक सरोज दर्लामीको भरतपुर अस्पतालमा उपचारको क्रममा मृत्यु भएको छ । उनको शव भरतपुर अस्पतालमा रहेको छ ।
त्यसैगरी मोटरसाइकलमा सवार पाल्पा घर बताउने ३४ वर्षीय चेतन आले गम्भीर घाईते भई नयाँ मेडिकल कलेज भरतपुरमा उपचारको लागि पठाइएको प्रहरीले जनाएको छ । दुबै सवारीसाधनसहित ट्रक चालक पर्सा सकुवा गाउँपालिका –१ बस्ने वर्ष ४० वीरबहादुर लामालाई प्रहरीले नियन्त्रणमा लिएको चितवन प्रहरीले जनाएको छ ।
