फिदिम : पाँचथरको याङवरक गाउँपालिका १ फेदीमा पहिरोमा फसेका १२ जनालाई उद्दार गरिएको छ । नेपाली सेनाको हेलिकोप्टर प्रयोग गरी उनीहरूलाई च्याङथापु स्थित बिष्णु माविमा ल्याइएको जिल्ला प्रहरी कार्यालय पाँचथरका प्रहरी नायब उपरीक्षक हरी खतिवडाले जानकारी दिए ।
शनिबार रातीको अबिरल वर्षात्कारण जमिन लच्किएर फेदीको बस्ती नै जोखिममा परेको थियो । पहिरोमा फसेका उनीहरुलाई सोमबार बिहान १० बजेतिर उद्दार गरिएको हो ।
